Вебсајт кој овозможува да го ѕирнете светот низ прозорците на луѓе од целиот свет

Коронавирусот и забраните за движење затворија многу луѓе во своите домови. Но, постои интернет страница чија цел е да ви овозможи поинаква перспектива во овие тешки времиња.

„Размена на прозорци“ (WindowSwap) е проект дизајниран за луѓето кои поголем дел од „Ковид-годината“ ја поминале во затворено, кој го развиле сопружниците Сонали Ранжит и Ваишнав Баласубраманиам.

Од улиците на Париз, Глазгов или Москва, до пејзажи во Сантијаго, Хаваи или Монца, преку нивната интернет-страница секој посетител може накратко да се почувствува како да гледа низ стотиците прозорци на разни луѓе од целиот свет. Или пак може да прикачи сопствено видео од погледот од неговиот дом.

„Мораме да си признаеме. Сите ние сме заглавени дома и ќе помине уште доста време пред да патуваме. „Размена на Прозорци“ е овде за да ја пополни празнината во нашите срца преку тоа што ќе ни овозможи да погледнеме низ нечиј туѓ прозорец, некаде во светот, на некое време. Ова е место на интернетот каде сите ние, кутри будалчиња гладни за патување можеме да ги споделиме нашите „погледи од прозорецот“ и да си помогнеме едни на други и да се чувствуваме малку поубаво пред повторно да можеме (одговорно) да ја истражуваме нашата прекрасна планета“, стои во описот на интернет страницата.

На Инстаграм страницата, пак, секојдневно објавуваат фотографии од погледите низ прозорците кои им ги испраќаат граѓаните низ целиот свет.

Нивната идеја почнала така што заедно со друг пар почнале да разменуваат фотографии од нивните погледи од домовите за време на карантинот. Ова набрзо се проширило и тие одлучиле ова хоби да го префрлат онлајн за секој да може да се приклучи.

Секој може да учествува во проектот преку испраќање на видео кое треба да трае 10 минути од погледот од нивниот прозор или пак балкон. Ранжит и Баласубраманиам ги прегледуваат сите снимки и не дискриминираат по ниту една основа. Она што можеби некому му изгледа како едноставен поглед кој не е ништо посебно, некому може да му предизвика задоволство.

Во продолжение неколку фотографии кои се прикачени на Инстаграм страницата на WindowSwap:

View this post on Instagram

A post shared by window-swap.com (@windowswap)

МОЖЕ ЌЕ ВЕ ИНТЕРЕСИРА