Последниве неколку години 52-годишниот Џим Бакор претвора улични дупки во уметност преку живописни мозаици на кои се претставени најразлични нешта – од пилиња до портрет на Арета Френклин.
Бакор инспирацијата ја добил по посета на Италија во 90-тите години, а првиот дизајн на дупка го направил во 2013 година пред неговиот дом во Чикаго.
„Дупките на нашата улица беа навистина ужасни. Имав нерешлив проблем пред својот дом, а стотина метри подалеку, во моето студио, ја развивав мојата пасија за уметноста. Едноставно ги комбинирав овие две работи“, вели Бакор за Гардијан.
View this post on Instagram
View this post on Instagram
Облечен во жолт елек и опремен со сообраќајни конуси, тој досега направил 79 уметнички инсталации низ светот, од Њујорк до Хелсинки. Мозаиците ги прави во своето студио кои потоа ги нанесува на дупката која првично ја пополнува со бетон. Следниот ден се враќа на местото и ги отстранува евентуалните нерамнини.
Бакор има специфични услови за тоа која дупка може да ја претвори во мозаик. Таа не смее да биде во средината на улицата, мора да биде на пат во релативно добра состојба и мора да биде со одредена должина и длабочина. Тој објаснува дека не ги знае законите околу неовластено пополнување на дупки, а дел од неговите инсталации во Њујорк биле и отстранети од градската служба за сообраќај.
View this post on Instagram
View this post on Instagram
View this post on Instagram
View this post on Instagram
Сепак неговата работа не предизвикува проблеми во неговиот роден град.
„Еднаш во јужниот дел од Чикаго ми пријде полицаец кој ме праша, ‘Дали си оној човекот со дупките?’. Кога му одговорив потврдно, тој само ми возврати, ‘Тоа е толку многу кул’“, раскажува Бакор.