Откако Ахмед Мухамед од Тексас беше уапсен поради носење на рачно изработен часовник на училиште, за кого професорите мислеле дека е бомба, поддршка за него изразија илјадници корисници на социјалните медиуми, меѓу кои и претседателот на САД, Барак Обама.
Властите во MacArthur средното училиште во Ирвинг ја повикале полицијата бидејќи мислеле дека 14-годишниот муслимански ученик носи бомба. Апсењето на Ахмед Мухамед беше остро критикувано, а момчето доби голема поддршка на социјалните медиуми.
Hey Ahmed- we’re saving a seat for you at this weekend’s Google Science Fair…want to come? Bring your clock! #IStandwithAhmed
— Google Science Fair (@googlescifair) September 16, 2015
Both of these photos were taken in Texas. Let that sink in for a moment. #IStandWithAhmed pic.twitter.com/NQCZ9rW2lw — Muhammad ShehrOze ツ (@Shehr0ze) September 16, 2015
Своја поддршка за Ахмед искажа и претседателот на САД, Барак Обама, кој го покани да му го покаже часовникот во Белата куќа.
Cool clock, Ahmed. Want to bring it to the White House? We should inspire more kids like you to like science. It’s what makes America great.
— President Obama (@POTUS) September 16, 2015
„Изградив часовник да ја воодушевам професорката, но кога ѝ го покажав таа мислеше дека е закана. Многу сум тажен што доби погрешен впечаток“, рекол Ахмед на вчерашната прес конференција одржана во Далас. Ахмед најави и дека наскоро ќе се премести во друго училиште.
Thank you fellow supporters. We can ban together to stop this racial inequality and prevent this from happening again pic.twitter.com/fBlmckoafU — Ahmed Mohamed (@IStandWithAhmed) September 16, 2015
Неговиот татко, Мухамед Елхасан Мухамед, кој потекнува од Судан, вели дека е горд на генијалноста на својот син.
„Тој е многу паметно и брилијантно момче, кое само сакаше да му покаже на светот што умее“, вели.
Полицијата на Тексас реши да не поднесе тужба против Ахмед, кој бил одведен од училиштето во лисици и му зеле отпечатоци од прстите. Бил пуштен од притвор откако било утврдено дека не претставува закана.
Корисниците на социјалните медиуми го подрржаа тинејџерот користејќи го хаштагот #IStandWithAhmed, кој досега е употребен повеќе од 500.000 пати.
Поддршка за него изразија и астронаутот Крис Хетфилд, како и основачот на Facebook, Марк Цукерберг.
Hi @IStandWithAhmed ! I’d love you to join us for our science show Generator in Toronto on 28 Oct. There’s a ticket waiting for you.
— Chris Hadfield (@Cmdr_Hadfield) September 16, 2015
Извор: BBC