Учениците кои беа на распуст од 30 декември 2015 година, денеска се враќаат во училишните клупи.
За околу 270.000 ученици во основните и во средните училишта денеска е прв училишен ден во второто полугодие од учебната 2015/2016 година. Распустот за сите ученици годинава започна еден ден порано бидејќи секоја учебна година треба да има 180 работни денови, а овој февруари, бидејќи 2016 е престапна година, има 29 дена.
Во Тетово пак, поради енормното загадување на воздухот. властите донесоа одлука да се прекине наставата во градинките, основните и во средните училишта три дена порано. Одлуката беше донесена по бојкот и протест на учениците поради екстремното аерозагадување во Тетово.