Учениците од денеска на зимски распуст, наставата ќе продолжи на 20 јануари

Околу 260 илјади ученици во основните и средните училишта од денеска се на тринеделен зимски распуст, кој ќе трае до 19 јануари. Според календарот на Министерството за образование и наука, наставата продолжува на 20 јануари.

Претходно од министерството информираа дека поместување на зимскиот распуст, односно одложување на почетокот на второто полугодие засега не се планира, бидејќи како што посочија, состојбата со Ковид-19 и натаму е стабилна.

По препорака на Комисијата за заразни болести и со одлука на Владата, оваа учебна година започна на 1 септември со физичко присуство за сите ученици по антиковид-протоколи. Исклучок, сепак, се учениците ослободени со медицински потврди.