Понеделник беше најсмртоносниот ден за новинарите во светот по нападот на канцелариите на весникот „Чарли Ебдо“ во 2015 година.
Девет новинари беа убиени при бомбашки напад во Кабул, Авганистан, а уште еден авганистански новинар беше убиен при пукање.
Главниот фотограф на „Франс прес“ во Кабул, Шах Мараи е меѓу починатите.
„Оваа трагедија не потсетува на опасноста во која нашите тимови продолжуваат да се соочуваат на терен и примарната улога што новинарите ја играат за демократијата“, рече извршниот директор на „Франс прес“ Фабрис Фрајс во соопштение.
Секретарот на САД Мајк Помпео ги осуди нападите, во кои починаа 30 луѓе. Тој особено го осуди убиството на новинарите, велејќи дека „независниот медиум е темел на демократијата“.
Многу новинари, кои беа убиени во понеделникот, се упатија кон местото на претходната експлозија. Тогаш „бомбаш-самоубиец маскиран како телевизиски камерман ја активирал втората бомба на местото”, објави Си-ен-ен.
Репортери без граници, една од групите што се залага за новинарска безбедност, рече дека нападот бил најлош од ваков вид против авганистанските новинари „од падот на талибанската влада во декември 2001 година”.
Организацијата забележа дека исто така биле ранети уште пет други новинари.
„Убивањето новинари е напад врз слободата на изразување”, објави во понеделникот „Хјуман рајтс воч”. Според законите на војната, намерни напади врз цивили се воени злосторства. Претставување како новинар за да изврши напад, исто така, е воено злосторство во кој напаѓачот го презема цивилниот статус “.
Исто така во понеделникот, новинарот на Би-Би-Си во Авганистан Ахмад Шах беше убиен од вооружени напаѓачи во провинцијата Кост.
„Ова е катастрофална загуба и испраќам искрено сочувство до пријателите и семејството на Ахмад Шах и целиот тим на Би-Би-Си во Авганистан”, рече Џејми Ангус, директор на светскиот сервис Би-Би-Си.
„Ние правиме се што можеме за да го поддржиме неговото семејство во ова многу тешко време”.
Според Комитетот за заштита на новинарите, понеделникот беше најлошиот ден за новинарски убиства, откако терористи го нападнаа седиштето на весникот „Чарли Ебдо“ во Париз во 2015 година. Дванаесет лица, меѓу кои и двајца полицајци, беа убиени во тој напад.
Џоел Симон, извршен директор на комитетот, изјави за Си-Ен-Ен дека бомбашкиот напад во Кабул е „напад врз глобалните медиуми”.
„Петмина од убиените новинари работеле за меѓународни медиуми”, рече Симон.
„Ова се новинари кои го информираат светот, ова е случај во Авганистан, но тоа е вистина во конфликтните зони ширум светот. Тоа е страшна загуба за луѓето во Авганистан, но тоа е загуба за сите околу светот што се грижат за вестите.”