„The Protagonist“, прогресивниот алтернативен бенд, го издаде вториот по ред албум наречен „Absolute Attitude“.
Бендот претходно објави три синглови од овој албум „Mono Maniac“, „Milion Miles Milion Lives“ и „Panic City” проследени со видео записи.
„’Absolute Attitude’ е еклектичен албум, кој изобилува со музички текстури, мелодии и богати аранжмани. Неговaта длабочина и епски звуци блескаат преку моќните стихови на емотивниот вокал. Албумот сам по себе е едно уникатно музичко патување“, се вели во соопштението до медиуми на составот.
„Absolute Attitude“ е сниман во Скопје и Берлин додека финалните миксови се изработени во Берлин. Mастеринг изработи познатиот британски саунд инженер Сајмон Хејворт (Ник Кејв, Кинг Кримсон, Голдфрап, Мајк Олдфилд, Енио Мориконе…) со кого бендот соработува подолго време.
The Protagonist егзистира и работи во Берлин, бендот моментално е фокусиран на третиот албум (“ACT!”) кој треба да се појави следната година.
Фотографијата на коверот е дело на Xоландскиот фотограф Пит Ван Ден Бемд изработена во Скервој / Норвешка.
