Американскиот канал ABC доби овластување да емитува нови серии од култното шоу „The Muppets“, кои ќе бидат во документарен стил и ќе ги прикажуваат секојдневните авантури на добро познатите ликови, меѓу кои Kermit, Miss Piggy и Fozzie Bear.
Според најавите, новите серии ќе бидат со посериозен агол, а ќе бидат во продукција на Bill Prady, продуцентот на познатата серија „The Big Bang Theory“ и Bob Kushell, кој има учествувано во создавањето на „The Simpsons“ и „Anger Management“.
Бендот „The Muppets“, составен од животни кои зборуваат, за првпат се појави на телевизија во 1950 година, за во 1976 година да направи свое шоу. По неколку години пауза, тие се вратија во 2011 година со долгометражен филм, чија музика беше наградена со „Оскар“. Минатата година пак, филмот доби продолжение насловено „Muppets Most Wanted“.