На Петроварадинската тврдина годинава доаѓаат во моментов најпопуларните светски ѕвезди на новата генерација, американскиот хит состав „Д Чејнсмоукерс“ („The Chainsmokers“). Тие ќе настапат на главната бина на 5-ти јули.
Нивната популарност само во последните пет години им донесе десет милијарди прегледи на Јутјуб и 24 награди, со дури 76 номинации, од кои една Греми, три Ем-ти-ви и дури седум Билборд награди.
Дуото досега има објавено два студиски албуми, како и 34 синглови.
„Чејнсмоукерс“ се придружуваат на програмата на овогодинешното издание на ЕГЗИТ фестивалот, кој освен Кјур, го предводат водечките рокенрол, хип хоп и електронски ѕвезди на денешницата: Грета Ван Флит (Greta Van Fleet), Карл Кокс (Carl Cox), Скепта (Skepta), Диџеј Снејк (DJ Snake), Пол Калкбренер (Paul Kalkbrenner), Димитри Вегас и Лајк Мајк (Dimitri Vegas i Like Mike), Соломун (Solomun), Дизајнер (Desiigner), Амели Ленс (Amelie Lens), Борис Брејча (Boris Brejcha) и многу други.
Дуото го сочинуваат Алекс Пал и Дру Тагарт, кои својата соработка ја започнуваат во 2012-та година во Њујорк правејќи ремикси за инди рок бендови, а веќе од 2013 година започнуваат да ги претставуваат првите синглови. Тандемот веќе трета година по ред официјално е и најуспешниот денс изведувач.