Вкупно 252 гласачи го оствариле своето право на глас во Теарце, или 35,29 отсто, соопшти Државната изборна комисија.
Излезноста е поголема отколку на 11 декември, односно за 10 отсто повеќе гласачи, велат од ДИК.
Жителите на Теарце гласаат во просториите на основното училиште „Кирил Пејчиновиќ“, каде според набљудувачите атмосферата е мирна, а гласањето се одвива во најдобар ред, освен малите проблеми со УВ ламбите поради што гласањето беше прекинато 15-тина минути.
На гласачкото место има набљудувачи од политички партии и од невладини организации, а се забележува зголемено присуство на припадници на полицијата и на медиуми. Покрај нив, на гласачкото место се појавија и претставници на Државната изборна комисија.