Тајланд ќе забрани увоз на 432 видови отпадна електроника во рок од шест месеци, објави официјален претставник на министерството за животна средина.
Земјите од Југоисточна Азија стравуваат дека тие се новата депонија за ѓубре во светот откако Кина го забрани влезот на неколку видови отпад како дел од кампањата против „странско ѓубре”.
Тајландската забрана доаѓа неколку недели откако регионалниот сосед Виетнам соопшти дека ќе престане да издава нови дозволи за увоз на отпад и ќе се бори против нелегалните пратки од хартија, пластика и метал.
Тајландската забрана опфаќа 432 видови на електронски отпад – од електронски коли до стари телевизори и радио делови – и ќе стапи на сила во рок од шест месеци, изјави висок претставник на Министерството за животна средина.
Тој рече дека забраната била договорена на состанокот во кој претседаваше Сурасак Канчанарат, министер за животна средина.
Е-отпадот – најчесто дефиниран како било кој уред со електричен кабел или батерија – може да се минира за вредни метали како злато, сребро и бакар. Меѓутоа, може да вклучува и опасни материи како олово, жива и кадмиум.
Сурасак во средата за тајландските медиуми изјави дека увозот на некои електронски апарати и уреди од втора рака ќе им биде дозволен доколку овие предмети можат да се поправат и повторно да се искористат.
Отпадот од метал, вклучувајќи алуминиум, бакар и челик, сè уште може да се увезува за индустриска употреба, но треба да се одвои во земјата на потекло и да се исчисти, рече тој.
Тајландската забрана за е-отпад следеше по серија рации што започнаа во мај на фабрики обвинети за илегално внесување и обработка на електронски отпад.
Екологистите велат дека отпадот што некогаш бил наменет за Кина е пренасочен кон Југоисточна Азија, и потребни се нови закони или постоечките закони подобро се спроведуваат за да се спречи нелегалниот увоз.
Централната банка на Виетнам во средата соопшти дека побара од банките да ги затегнат заемите за проекти кои се сметаат за еколошки непријателски. Таа рече дека банките мора да имаат стратегии за управување со ризици за животната средина до 2025 година.
Тајланд, исто така, планира да го забрани увозот на пластичен отпад во наредните две години, рече официјалниот претставник на Министерството за животна средина, но тој не даде детали за програмата.
Смртта на китот во јуни, пронајден со околу 80 парчиња пластичен отпад во стомакот, го фокусираше вниманието на тоа што еколозите го нарекуваат „зависноста” на Тајланд од пластични кеси и пакување.
Тајландската воена влада соопшти дека подобрувањето на инфраструктурата за управување со отпад во земјата е приоритет и постави цели за 2021 година.
Тие вклучуваат отфрлање на пластичните кеси и шишиња во владини агенции и бизниси, како и забрани за употреба на пластика во туристичките дестинации. Исто така, беше споменато данок на пластични кеси и рециклирање до 60 проценти од пластиката до 2021 година.