Светската здравствена организација (СЗО) ги повика светските лидери со моќ да ја поништат „срамната“ глобална нееднаквост во пристапот до вакцините за КОВИД-19, за да се смени тој тренд пред октомври, пренесува агенцијата Франс прес.
Здравствената агенција на ОН е бесна од она што го гледа како морален гнев на богатите земји што го засилуваат снабдувањето со вакцини, додека земјите во развој се борат да ги имунизираат своите најранливи популации.
Брус Ајлвард, фронтменот на СЗО за пристап до алатките за борба против пандемијата на коронавирус, ги повика луѓето да им укажат на политичарите и на бизнис тајкуните дека електронски и финансиски е безбедно да се зголеми опфатот на вакцините во посиромашните нации.
„Во светот најверојатно има дваесетина луѓе кои се пресудни за отстранување на проблемот со неправдата“, кажа Ајлвард од СЗО во директно обраќање на социјалните медиуми на СЗО.
„Тие ги предводат големите компании кои се задолжени за тоа, тие ги предводат земјите кои ги купуваат повеќето вакцини во светот и земјите кои ги произведуваат. Очекуваме тие дваесетина луѓе да кажат: Ќе го отстраниме тој проблем до крајот на септември. Ќе се потрудиме 10 отсто (од населението) во секоја земја да се вакцинира“, додаде тој.
Во светот се потрошени речиси 4,5 милијарди дози, покажуваат податоците на Франс прес. Во земјите со висок доход на сто луѓе се потрошени 104 дози. Во 29 земји со најнизок доход на 100 луѓе се потрошени едвај две дози.
„Треба да се срамиме сите заедно“, кажа Ајлвард.
СЗО сака секоја земја до крајот на септември да вакцинира барем 10 отсто од населението, барем 40 отсто до крајот на годината и 70 отсто до средината на 2022.
