Светската здравствена организација (СЗО) заедно со претставници од гејминг индустријата покренаа кампања #PlayApartTogether (#ИграјтеОдвоеноЗаедно), со цел луѓето кои се забавуваат играјќи видеоигри да ги следат препораките за социјална дистанца и лична хигиена за спречување на ширење на коронавирусот.
„Се наоѓаме во клучен момент на дефинирање на резултатот од оваа пандемија. Гејминг индустријата има глобална публика – ги охрабруваме сите да #ИграатОдвоеноЗаедно. Повеќе физичко дистанцијање плус други мерки ќе резултира во израмнување на кривата и ќе спасат животи“, напиша на Твитер глобалниот амбасадор на СЗО, Реј Чемберс а пораката ја ретвирна извршниот директор на СЗО, Тедрос Адханом Геберејсус.
Thank you @RaymondChambers for mobilizing the gaming industry to feature @WHO advice on #COVID19 to their users. We all must #PlayApartTogether to beat the #coronavirus.https://t.co/jJNsjuHlBn
— Tedros Adhanom Ghebreyesus (@DrTedros) March 28, 2020
18 водечки компании од гејминг индустријата, од „Activision Blizzard“ до „Zynga“, во следниот период ќе ги потсетуваат своите корисници за препораките кои можат да помогнат во зачувувањето на јавното здравје.
„Никогаш не било покритично да се осигураме луѓето да останат на безбедно поврзани едни со други. Игрите се перфектна платформа, бидејќи ги поврзуваат луѓето низ призма на уживање, цел и значење. Горди сме што учествуваме во ваква потребна и важна иницијатива“, изјави директорот на „Activision Blizzard“, Боби Котик.
„Физичката дистанца не треба да значи и социјална изолација. Ајде да бидеме физички одвоени и да правиме други чекори за подобрување на јавното здравје и израмнување на кривата и да #ИграmeОдвоеноЗаедно за да помогнеме да излеземе од оваа криза. За нас „Риотерите“ играњето игри е повеќе од само игра; тоа е животна пасија. И сега милијарди гејмери низ светот, играјќи видеоигри можат да помогнат во мисијата за спасување животи. Ајде да ја победиме оваа Ковид-19 конечна битка заедно“, посочи Николо Лорен, од „Riot Games“.
We’re joining @WHO and game studios around the world to #PlayApartTogether to flatten the curve of COVID-19. Games are a unique way to stay connected with friends and family, even if we can’t be together physically. pic.twitter.com/MorVdfHc9H
— Riot Games (@riotgames) March 28, 2020
Proud to partner with @WHO to encourage all of our players to follow health and safety guidelines for COVID-19.
Learn more at https://t.co/dGGUW3QswE.#PlayApartTogether pic.twitter.com/WEp2iSnqnU
— Call of Duty (@CallofDuty) March 29, 2020
Let’s stay healthy and #PlayApartTogether! Big Fish is teaming up with the World Health Organization(@WHO) to raise awareness around the power of physical distancing to reduce the spread of COVID-19.
Learn More Here — https://t.co/HSNxr3MU9v pic.twitter.com/gv25E54SDv
— Cooking Craze (@CookingCrazeApp) March 28, 2020
Поддршката на СЗО, која сега ги промовира видеоигрите како пожелна активност, е помалку иронична ако се знае дека организацијата пред две години ја призна зависноста од играње видеоигри за ментално нарушување.