Обучувачи во кинески циркус беа прикажани на видео како врзуваат тигар на маса за посетителите да седнат на него и да се фотографираат.
Видеоснимката, која достигна над 90 000 прегледи, а првично беше објавена на кинеската платформа за споделување видеа iQiyi, покажува дека тигарот прво е врзан на метална маса.
Деца и возрасни потоа се поредуваат и седнуваат на неговиот грб, позирајќи за своите фотографии.
Во еден дел од видеото, е прикажано дете како вели дека се плаши да се доближи до животните, но еден од обучувачите одговора на тоа со: „Зарем не е кул да се седи на тигар? Тоа може да ве заштити од ѓаволот и да добиете напредок и богатство.”
Чинот да се седи на тигар често се поврзува со Богот на богатството во Кина, кој е прикажан како седи на животното.
Сепак, тоа наиде на осуди кај кинеските интернет корисници, кои изразија сочувство за животното.
„Кутриот тигар. Човечката раса е премногу сурова”, напиша корисник на iQiyi.
„Не можете да заработите многу од тоа, а сепак сте му создале толку многу болка на животното, дали мислите дека вреди? ” с вели во друг коментар.
Според снимките, станува збор за сибирски тигар, кој е на работ на изумирање со само 540 животни во дивината.