Како дел од годишната новогодишна порака, познатото студио „Гибли“ сподели уникатна илустрација за коронавирусот, заедно со порака до сите обожаватели.
Илустрацијата, која е нацртана од познатиот Хајао Мијазаки, беше објавена на „Твитер“ профилот на студиото. На неа, прикажана е новата 2021 година, како гази врз коронавирусот кој носи и маска.
Во пораката, „Гибли“ им се заблагодари на обожавателите поради срдечната поддршка и им ја честиташе новата година.
„Минатата фодина имавме повеќе шанси од вообичаеното да оствариме дијалог со сите вас преку телевизорите, преку новиот серијал на Горо Мијазаки – „Ервик и вештерката“, со репризирањето на четири наши филма вклучувајќи го и „Спиритед Авеј“, со дистрибуцијата на мирните слики и зголемена дигитална дистрибуција на глобално ниво. Во свет во кој изолацијата поради коронавирусот продолжува, се надеваме дека барем малку ќе ве насмееме“, велат од студиото.
Пораката имаше и приватна нота бидејќи овој јануари илустраторот Мијазаки наполни 80 години, па во неа не беше изоставен фактот дека уметникот е во добро здравје и секојдневно работи на новиот филм „Како живееш“.
Премиерата на „Како живееш“ – првиот филм по пензионирањето на Мијазаки, нема да се одржи уште неколку години, но студиото го заврши својот проект, серијалот „Ервик и вештерката“, кој е наменет за телевизија.
明けましておめでとうございます。スタジオジブリの公式Twitterを始めます。作品情報や、スタジオのこぼれ話などをお伝えしていきます。どうぞよろしくお願いします。https://t.co/0RLxighncb pic.twitter.com/zkd9ZeWpXu
— STUDIO GHIBLI (@JP_GHIBLI) December 31, 2020
Извор: Dazed & Confused