На Факултетот за електротехника и информациски технологии (ФЕИТ) од 29 октомври до 1 ноември ќе се одржува седмата Студентска конференција „Енергетска ефикасност и одржлив развој – СКЕЕОР 2019“.
Според организаторите, поканата е отворена за сите оние коишто сакаат да ги збогатат своите знаења и да ги поддржат младите кои сакаат да направат промена од областите на конференцијата.
„Научни области на конференцијата се: Обновливи извори на енергија, енергетска ефикасност, автоматизација и мерење, енергетска ефикасност и одржливост на животна средина, нови технологии и материјали, но и енергетска ефиканост во објекти, градежништво и архитектура“, се вели во најавата за настанот.
За повеќе информации поврзани со СКЕЕОР – тука.