Стотина демонстранти во Хонг Конг се заробени во универзитетски кампус додека полицијата врз нив употребува солзавци за да ги спречи да го пробијат кордонот и да излезат од локацијата, јавува АП.
Повеќе денови демонстрантите го блокираа кампусот на Политехничкиот универзитет за да ја спречат полицијата да упадне внатре. Откако биле обиколени од полициските сили, тие се обиделе да излезат но утрово полицијата ги спречила со солзавец. Демонстрантите сакаат да избегнат апсење, додека полицијата сака да уапси што поголем број од нив.
Multiple explosions in this fire that seems to be quickly spreading at the entrance of Polyu. There are still hundreds of people inside. pic.twitter.com/odfG9ZYkLR
— Lily Kuo (@lilkuo) November 18, 2019
Најголемиот дел од демонстрантите носат маски за да го заштитат идентитетот од надзорните камери кои може да се користат за да бидат кривично гонети. Претходно, врховниот суд на Хонг Конг пресуди дека забраната за криење на лицата на јавни собири е неуставно.
ФОТО: АП
Од полицијата соопштиле дека исфрлиле солзавци бидејќи демонстрантите ги напаѓале со молотови коктели.