Ракета со капсула за човечки екипаж, изградена од приватната вселенска компанија Спејсекс, вчера беше лансирана на пробен лет до Меѓународната вселенска станица (ИСС).
Ракетата Фалкон 9 и вселенската капсула Спејсекс кру драгон беа лансирани среде ноќ од вселенскиот центар Кенеди на НАСА на Флорида. Капсулата Спејсекс без екипаж денеска треба да стигне и да се спои со ИСС.
Тоа е првата комерцијално изградена американска ракета и летало лансирани од територијата на САД. Лансирањето беше спроведено во соработка со НАСА, која соработува со неколку приватни компании за развој на вселенски летала со човечки екипаж.
Целта на програмата е да и’ се стави крај на зависноста на американската вселенска програма од Русија за летови до ИСС.
Пробниот лет ќе даде податоци за работата на Фалкон 9 и Спејсекс кру драгон, за системите на Земјата и за други операции, рече НАСА.