„Сонот на играчките“ – симфониски концерт за деца со Македонската филхармонија

„Сонот на играчките“ е насловот на симфонискиот концерт за деца на Македонската филхармонија, кој ќе се одржи на 9 март (сабота) во 11 часот. Со оркестарот ќе диригираат двајцата млади македонски диригенти кои се активни на европските музички сцени, Виктор и Елена Митревски.

На концертот ќе има и аниматор, а ќе бидат изведени дела од Дебиси, Григ, Понкиели, Моцарт, Бизе, Елгар.

„Сонот на играчките“ е музичка приказна за две деца кои сонуваат да станат славни диригенти, а во остварување на сонот им помага волшебник. Во улогите на двете деца, кои се брат и сестра, се всушност диригентите Виктор и Елена.

И овој концерт, во нарацијата, содржи многу хумор, како и едукативни елементи кои ќе им помогнат на децата преку смеа да се запознаат со класичната музика, инструментите, како и улогата на диригентот.