Премногу информации, случувања и невозможна желба да се стигне на сите настани кои годинава ги нуди фестивалот Сонар во Барселона. Вториот ден од фестивалот екипата која известува за Радио МОФ од Барселона, го започна со две промоции или мини шоуа на двајца извонредни музичари.
Првиото беше на бугарскиот проуцент и диџеј Kink, чиј настап во живо за 20115 година го зеде првото место според Resident Advisor. На Сонар пак во соработка со Pioneer го промовираа новиот DJ Nexus 2. Повеќето од посетителите и новинарите беа на нозе во текот на целото негово излагање уживајќи во звуците што ги продуцираше.
Веднаш по него, во истата сала дојде ред на Richie Hawtin кој овојпат го промовираше неговиот миксер Model 1(Play Differently), а во соработка со компанијата Allen & Heath. На промоцијата беше посочено дека новиот уред ќе може да ја поедностави работата на секој диџеј, благодарение на распоредот на алатките, како и подобрувањето на прегледноста кога се менуваат ефекти и дисторзии, што овојпат се поставени на различни канали.
Денот продолжи со прошетка низ музичките бини од „Sonar by Day“, кој се состои од 3 сцени, од кои една на отворено наречена „Sonar Village“. Меѓу поистакнатите музичари кои настпија беа Ata Kak, Danny L Harle, Matias Aguayo, Underground Resistance, Gerd Janson, Kode9 + Lawrence Lek, Roots Manuva, Dawn of Midi.
Веднаш по завржувањето на „Sonar by Day“, надвор пред комплексот веќе чека автобусите за да ги пренесат публиката и музичарите на „Sonar by Night“, кој се одржува во огромниот комплекс „Fira Europa“. Таму, на големо изненадување, само што не беше концерот на Jean-Michel Jarre, како една целосна музичка нирвана од сценски настап, збогатен со огромни движечки LED панели и „трипи“ звуци се чини дека само Јarre може да ги произведе. Како еден од најинтересните моменти од неговиот настап беше неговата нова песна „Exit“, што ја има посветено на Edward Snowden, кој се појави и на големите LED екрани на сцената.
Потоа настапи италијанското дуо „Mind Agaist“, како одлично загревање за уште еден спектакл на Richie Hawtin, со настап во живо кој посетителите во преполната сала на „Sonar Club“ ги однесе во друга димензија. Како затворање на вечерта се појави американското дуо Duo Martinez Brother кое имаше извонреден настап со откачени тек-хаус звуци и беа одличен избор за публиката да се спушти од енергичниот минимал на Hawtin.
Освен сцената „Sonar Club“, имаше уште 3 други стејџа на „Sonar by Night“. На „Sonar Lab“ можеа да с еиздвојат настапите на Kerri Chandler, Ben Ufo b2b Helena Hauff I DVS1 b2b Rodhad, „Sonar Pub“ со настап на Mano le Tough, Kolsch, John Talabot и „Sonar Car“ каде публиката можеше да ужива во седучасовниот сет на Four Tet од Велика Британија.
За Радио МОФ од Барселона известуваат Надица и Ангел Ангеловски