Љубителите на електронската музика од Бугарија, Македонија и од другите земји од регионот ќе имаат уште една можност да уживаат во голем електронски музички настан во организација на Yalta Club.
Solar Easter Trinity е најновото издание на фестивалот што Yalta секоја година го организира околу Божиќ и Велигден, а на кој годинава настапуваат Seth Troxler, Paco Osuna, Tale of Us, Marcel Dettmann, Jon Gaiser, Matthew Dear и други артисти. Целовечерниот техно хепенинг е најавен за 3 април, во Експо центарот во Софија, кој ќе почне на полноќ и ќе трае се до 9 часот наутро, на два подиуми.
Радио МОФ редовно ги следи и известува за електронските музички случувања во регионот и најавува ексклузивно покривање и на ова соларно издание. На последното издание на Solar Christmas, годинава во јануари настапија Maceo Plex и Miss Kittin.