Со доделување на наградите и проекција на филмот „Титаниум“ вечерва завршува „Браќа Манаки“

Филмот „Титаниум“, во режија на Џулија Дукурно и кинематографија Рубен Импенс вечерва ќе го затвори 42. издание на ИФФК „Браќа Манаки“.

На последниот ден од фестивалот, ќе бидат и свечено доделени наградите во Центарот за култура во Битола, со почеток во 20 часот.

Одлуката за награди ја донесе жирито во состав: Филип Бергсон, Вим Ванакер, Суки Меденчевиќ, Соња Просенц и Димо Попов, а дизајнер на наградите е Димитар Филиповски.

Изминативе денови публиката можеше да погледне десет долгометражни и десет кратки филмови, но и да ужива во богатата понуда на Оф програмата.