Музичките документарни филмови „Џон Ленон – Го запознав моржот“ и „Приказната за Пинк Флојд – Кој од вас е Пинк“ ќе бидат прикажани вечерва во 22 часот во Кинотеката на Македонија во рамки на фестивалот Скопје синема сити.
Пред проекциите на овие два филма, посетителите ќе имаат можност да ги видат „Би-би-си: Јас сум член на рокенрол бенд – Гитаристот“ од 17 часот. Потоа, „Брајан Ино – Имагинарни пејсажи“ од 18 часот, па „Фестивалот Пункт – Уметноста на ремиксувањето во живо“ од 19 часот, како и „The Factory Records: Manchester from Joy Division to Happy Mondays“ во 20 часот.
Вчера беа прикажани документарецот за култниот Леонард Коен и „Би-би-си: Јас сум член на рокенрол бенд – Пејачот“.
Утре на програмата се краткометражниот филм за Дејвид Силвиан, „Дали белците умеат да го свират блузот“, „Роберт Плант: Јас самиот“, како и филмовите за Влатко Стефановски и Сецко. Промовирана ќе биде и книгата „Музика и муабети“ на Ненад Георгиевски, уметничкиот директор на фестивалот.
Билетите за проекциите претходно треба да се резервираат на 306-5968 (09:00 – 20:00 ч). Подигнувањето на резервираните билети е најдоцна 30 минути пред почетокот на проекцијата.