Панк иконата Sid Vicious веројатно се превртува во гробот, откако британската банка Virgin Money, сопственост на сер Richard Branson, објави дека мотиви од кариерата на групата sex Pistols ќе се појават на кредитните картички кои банката ги издава.
На некои од картичките ќе ја има корицата на албумот „Never Mind The Bollocks“ од 1977, а на некои – дизајн 
инспириран од песната „Anarchy in the U.K.”. Како што забележуваат британските медиуим, еден од стиховите во таа песна гласи: “your future dream is a shopping scheme.”
Бизнисменот и инвеститор Branson, кој потпиша договор за издавање на музиката на Sex Pistols на неговата издавачка куќа Virgin Records пред речиси 40 години, сега изјави дека „провокативната моќ на бендот и натаму е незасенета“.
„Со издавањето на овие картички, сакаме да ги славиме наследството и различноста на Virgin. Sex Pistols ги предизвикуваа конвенциите и воведоа нови начини на размислување – исто како што тоа го правиме ние денес, во нашите обиди да го „растресеме“ британското банкарство“, вели извршната директорка на банката Jayne-Anne Gadhia на нејзиниот блог.