Дванаесет европски филмови се прикажуваат во рамки на седмото издание на „Фестивал на тркала“ кое оваа година се одржува онлајн.
Фестивалските тркала тргнаа од вчера на посебна фестивалска платформа на Сinesquare.net и ќе бидат достапни до 19 декември.
„Филмските тркала продолжуваат да се движат по патиштата низ земјава овозможувајќи им на децата и на возрасните низ републиката причина за уживање во квалитетен филм од најновата европска кинематографија“, велаат организаторите.
Годинава во проширен концепт фестивалот има четири програми: игран филм, документарен филм, посебен фокус на француската режисерка на документарен филм Клер Симон на Меѓународниот фестивал на документарен филм Амстердам (IDFA), како и програма за најмладите:
Фокус играни:
1. Сонот на Катрина (Katrina's Dream)
2. Море од Жито (Mare di Grano)
3. Насмевка (Smile)
4. Гулабот (The Pigeon)
5. Бракот (The Marriage)
Фокус документарни:
1. Каде си Жоао Жилберто? (Where Are You Joao Gilberto?)
2. Крис Швајцарецот (Chris The Swiss)
Фокус Клер Симон:
1. Приемен испит (The Graduation)
2. Младешка самотија (Young Solitude)
Фокус детски:
1. Кариран нинџа (Checkered Ninja)
2. Хакер (Hacker)
3. Улица на надежта (Mercy Street)
Фестивалот го организира продукциската и дистрибутерска компанија „Катавеј“ од Скопје со поддршка од Министерството за култура на Северна Македонија.