Ана Попоска од Битола е самоука уметница која годинава заврши средно образование, но наместо да продолжи на факултет, таа реши целосно да се посвети во својата кариера како тату артистка.
„Го правам ова за да се релаксирам, а не само за да покажам на светот или да ја хранам мојата персона како уметник, што за жал долго време беше реалност. Мислам дека овој стил се роди моментот кога цртањето ми стана медитација, а не обврска – што е многу магично чувство“, вели таа.
Покрај тетовирањето, Попоска од неодамна се занимава и со традиционални монохроматски илустрации. Главна инспирација ѝ се уметниците Kim Jung Gi и Mr Doodle, најмногу поради начинот на кој работат.
„Идеи црпам од светот околу мене, светската и македонската архитектура“, вели таа за Радио МОФ.
Поголемиот дел од нејзиниот живот цртала дигитално и главно фигуративна уметност, а во средно реализам.
„Меѓутоа последните две години доживеав голем пресврт во начинот на кој ја гледам уметноста, а и светот воопшто. Се ослободив од стравот околу тоа како другите ме гледаат, што другите мислат за моите дела, дали финалниот цртеж ќе биде коректен, како ќе биде критикувано и слично. Едноставно, престанав да творам за сè тоа што е надвор од мене. Секој цртеж започнува од една основна идеја, а финалното дело е приказна која ја измислувам со секој потег на пенкалото – всушност на почеток јас никогаш не знам како крајниот продукт ќе изгледа. Најбитно ми е да уживам во процесот од почеток до крај“, вели оваа уметница.
Попоска е уште една илустраторка која се приклучува на нашата иницијатива #ИнстаИлустртации. Во продолжение, погледнете дел од нејзините илустрации:
View this post on Instagram
View this post on Instagram
View this post on Instagram
View this post on Instagram
View this post on Instagram