„Американското катче“ во Струга (American Corner) објави оглас за практиканти. Според огласот, тој е отворен за сите млади луѓе кои сакаат „да ги подобрат нивните знаења од англискиот јазик, да ги развијат капацитетите за работа, да ги подобрат своите компјутерски и организациски вештини, да развијат лидерски способности и да добијат работно искуство во професионална средина“
Ангажманот во American Corner Струга ќе трае еден месец, во кој практикантите ќе треба да волонтираат 2 до 3 часа дневно. Сите заинтересирани треба да испратат свое CV и мотивациско писмо на acstruga@yahoo.com најдоцна до 16 јуни, по што ќе следат интервјуа.