Во исчекување на одлуката на Владата за олабавување на мерките за спречување и ширење на вирусот ковид 19, СЦ „Борис Трајковски“ започна со подготовка на содржините во комплексот, соопштија оттаму.
„Се преземаат сите неопходни процедури за подигнување на нивото на хигиената, се спроведува чистење, како и целосна дезинфекција на целиот спортски центар. Со дезинфекција, како и превентивни мерки за заштита на здравјето на сите корисници на центарот,секојдневно ќе се продолжи и по отворањето кое се очекува да биде наскоро“, се додава во соопштението.
Салата беше целосно затворена откако се појавија првите случаи за заболени од Ковид 19 во земјава, со цел да се запре брзината на ширење на новиот коронавирус.