Саудиска Арабија утрово објави дека ги прекинува трговските односи и инвестиции со Канада, поради „мешање“ на земјата во внатрешните работи на ултраконзервативното кралство. Потегот доаѓа како реакција на изјавата од Канадските власти дека се „многу загрижени“ за апсењето на неколку активисти за човекови права.
Саудиското министерство за надворешни работи во серија твитови соопшти дека го протерува канадскиот амбасадор, како и дека го повлекува својот амбасадор од Канада, пренесува ББЦ.
Меѓу уапсените е и американската државјанка Самар Бадави, активистка за женски права, со потекло од Саудиска Арабија. Таа веќе подолго време повикува на укинување на традицијата на „машка патронажа“ со која Саудијките за сите важни одлуки мораат да добијат дозвола од машки членови на семејството.
Канадското министерство за надворешни работи побара „итно ослободување“ на ативистите, додека саудиското министерство таквиот став го нарече „напад на кралството“.
Canada is gravely concerned about additional arrests of civil society and women’s rights activists in #SaudiArabia, including Samar Badawi. We urge the Saudi authorities to immediately release them and all other peaceful #humanrights activists.
— Foreign Policy CAN (@CanadaFP) August 3, 2018
Апсењата на активисти се во спротивност со новиот модерен имиџ кој го гради владата на чело со престолонаследникот принцот Мохамед Бин Салман. Минатата година тој доби пофалби поради укинувањето на децениската забрана за жени за возење автомобили.