Вчеравечер во МКЦ во организација на Друштвото на филмски работници на Македонија се одржа церемонијата за доделување на „Златна рамка“ – почесни награди за филмски автор, филмски актер и филмски работник на годината.
Наградата за филмски автор на годината е доделена на дизајнерот на звук – Игор Поповски, наградата за филмски работник на годината е доделена на асистент костимограф/гардеробер – Ирена Јовчевска, додека наградата за филмски актер на годината е доделена на Сара Климоска.
Минатата година, со ова признание се закитија: Жаклина Крстевска, Петар Мирчевски, Петар Богоевски, додека постхумна почесна „Златна рамка“ доби Томе Молдовски – Мољац.