Сана Марин, новата премиерка на Финска, ќе биде најмлад премиер во светот

Финската премиерка Сана Марин со 34 години ќе биде најмладиот премиер во светот

34-годишната Сана Мартин, која ќе ја предводи владината коалиција во Финска, ќе стане најмладиот премиер во светот.

Таа претходно беше министерка за транспорт, а нејзината социјалдемократска партија одлучи да дојде на чело на владата по оставката на премиерот Анти Рине. Марин се очекува да даде свечена заклетва во текот на неделава.

Премиерката ќе ја предводи централно-левичарската владина коалиција во која се наоѓаат пет партии, сите предводени од жени.

Претходниот премиер Рине се повлече откако му беше изгласана недоверба од коалициските партнери поради неговите постапки за време на штрајкот на поштенските служби.

Кога Марин ќе стапи на функција таа ќе биде најмладиот шеф на влада во светот. Премиерката на Нов Зеланд, Жаклинда Арден има 39 години, додека украинскиот премиер, Олексиј Хончарук има 35 години.

Марин ќе биде третата жена премиер во историјата на оваа скандинавска држава.