Меѓу 100-те уметници чии дела достигнаа највисока вредност на аукциите во текот на 2017 година има само 13 жени, покажуваат податоците на сервисот за аукции „Мјучуал арт“.
Највисока цена постигнале делата на јапонската уметница Јајои Кусама – 65,6 милиони долари и таа се наоѓа на 13-то место на листата од стоте најпродавани уметници. Исто така 89-годишната Кусама е единствената жива жена меѓу првите 50 на листата. Таа е позната по своите слики и инсталации во кои употребува точки и важи за претходник на поп артот.
По Кусама следат делата на Луиза Буржоа со 36,8 милиони долари, Џоан Мичел со 30,5 милиони долари и Агнес Мартин со 26,3 милиони долари.
Леонардо да Винчи e на врвот на листата, благодарение на продажбата на сликата „Салвадор мунди“ во вредност од 450 милиони долари во ноември минатата година.
По него следува Жан Мишел Баскијат, чии дела достигнаа 338 милиони долари во 2017 година, по што следуваат Енди Ворхол, Ки Тумбли и Рој Лихтенштајн.