Со симфонискиот концерт „Поема екстаза“ на Македонската филхармонија, вечер завршуваат годинашните „Есенски музички свечености“.
Како солист ќе настапи еден од најдобрите виолинисти од поновата генерација руски уметници, Никита Борисо-Глебски, кој ќе го изведе Концертот за виолина и оркестар во d-moll оп. 47 од „таткото на финската музика“ Јан Сибелиус.
Диригент е холандско-јужноафриканскиот маестро Конрад ван Алфен.
Оркестарот на Македонската филхармонија ќе ги изведе и „Поема екстаза“ од Александар Скрјабин, како и тонската поема „Попладневна вештерка“ од Антонин Дворжак.