Декретот кој рускиот премиер Димитриј Медведев го потпиша на 29 декември им забранува на трансродовите луѓе да возат автомобил како и на останатите на кои им е дијагностицирано „нарушување на сексуалната ориентација“, објави Mashable.
Одредбата е дел од поширок документ во кој се вбројуваат медицинските состојби кои ги дисквалификуваат луѓето да возат автомобил или наметнуваат ограничување на правата за возење.
Во листата се вклучени слепило и епилепсија. Но, се однесува и на „ментални нарушувања“ како што се дефинирани од Светската здравствена организација каде се вбројува „нарушувањето на родовиот идентитет“, односно „транссексуализам“ и „транвестизам“. Во листата се најдоа и „садомазохизам“, „педофилија“ и „егзибиционизам“. Декретот е дел од законот наречен „За безбедноста на патиштата“ кој се базира на најновиот прирачник на Светската здравствена организација за класификација на болести, формално познат како Меѓународната статистичка класификација на болести и сродни здравствени проблеми или ICD-10.