Пред три години интернет просторот го исполнивме со црно-бели слики со закачалки, штипки и игли, а оние кои ја знаеја приказната поостојано пишуваа „Закачи се!“. На 22 февруари, 2011 сликите добија боја и за првпат во етерот се слушна Радио МОФ. Тој ден Младински образовен форум и новото интернет радио се впуштија во една непозната и возбудлива авантура.
Откако ги прележа „детските болести“ Радио МОФ полека, но сигурно го наоѓа своето место во македонскиот медиумски простор. Целта беше да им се даде место на младите луѓе слободно да творат, да зборуваат за своите нивните проблеми, но и да преземат одговорност за сопствените постапки.
Десетина тематски и музички емисии, стотина текстови неделно и 24-часовна програма креирана од младите за младите, но и за оние што се чувствуваат така, е само мал дел од она што сега го прави Радио МОФ.
Ве покануваме да се закачите на етерот на Радио МОФ и заедно да го прославиме нашиот трети роденден со програма во која 24 часа во живо ќе слушате, но и ќе гледате Радио МОФ. По повод третиот роденден на гости во студио ќе дојдат многу активисти, борци за човекови права, новинари, студенти, компјутерџии, музичари.
Видео преносот започнува утре(21 февруари), со утринско размрдување во 8 часот, а завршува во 21 часот. Веднаш потоа продолжуваме со вистинската радио журка и многу музика.
Во продолжение , погледнете ја роденденската програма:
08.00 – 11.00 Утринска програма – Бесрамна самопромоција
11.00 – 11.45 Виножитото еден ден ќе го краси небото
Ирена Цветковиќ – Сексуални и здравствени права на маргинализираните заедници
Љубомир Фаизов – Хелсиншки комитет за човекови права
Антонио Михајлов – Субверзивен Фронт
Беким Асани – LGBT united Macedonia
Модератор: Сања Стефановиќ
12.00 – 12.45 Кругот се стеснува
Веса Букла – Заедно против загадувањето на Тетово
Марко Соколовски – Go green Macedonia
TBA
Модератор: Кирил Арсовски
13.00 – 13.45 Не гледам, не слушам, не пренесувам
Зоран Бојаровски – Алфа
Тамара Чаусидис – Независен синдикат на новинари и медиумски работници
Владо Апостолов – Фокус
Љубица Гроздановска – Diversity media
Модератор: Кристина Озимец
14.00 – 14.45 Пуст живот студентски
Сандра Живковиќ – MOФ
Благица Петрова – Излез
Ана Тодоровска – Отворен куфер
Анита Цветанова – Отворен куфер
Марија Павлевска – студент
Модератор: Атанас Димитров
15.00 – 15.45 Турли тава од права
Наде Наумовска – ФООМ
Џељо Хоџиќ – 8ми септември
Тамара Атанасоска – активист
Драшко Костовски – ХЕРА
Модератор: Марјан Забрчанец
16.00 – 16.45 Мрежа за сите
Владислав Бидиков – kajgana.com.mk
Виктор Дано – it.com.mk
TBA
Модератор: Марко Ѓорѓиев
17.00 – 19.00 МОФ-овска разонода
19.00 – 21.00 Радио МОФ џумбус
21.00 – 08.00 – Многуууу музика (Line UP – TBA)
Бидете и вие дел од Радио МОФ.