Ревија на олдтајмери во Скопје

Возила произведени до 70-тите и 80-тите денеска ќе бидат изложени на еднодневното рели на одлтајмери во Скопје.

Ревијата се состои од два дела. Првиот дел е изложба на олдтајмер возила и моторцикли, во кој учество ќе земат 20 странски и 35 домашни претставници на ексклузивни олдтајмер возила поделени во два периоди до 1970 година и од 1971 до 1984 година. Возилата ќе бидат оценети и наградени од стручна техничка комисија.

Вториот дел е олдтајмер рели кое за првпат се организира во Скопје. Стартот и целта е пред Општина Центар, по точно одредена рута со претходно изготвена патна книга. Возилата ќе бидат поделени во две класи, а победниците наградени.

Програма на манифестацијата:

09-11 часот – Технички преглед и верификација на учесниците
11.30 часот – Свечено отворање на манифестацијата
10-12 часот – Изложба на автомобилите и фото-сесија
12-14 часот Старт на релито
14-16 часот – Организирана изложба и избор на олдтајмери по категории
16.30 часот – Свечено прогласување на победниците

Организаторите напоменуваат дека секој натпреварувач мора да поседува важечка возачка дозвола. Совозачот мора да биде полнолетен и да поседува важечка лична карта.