Фановите на „Игра на тронови“ создадоа петиција за преснимување на осмата сезона на играната серија. Петицијата доби над 295 илјади потписи, чиј број се зголемува во секоја секунда.
„Серијата заслужува завршна сезона која има смисла“, пишува во петицијата објавена на Change.org.
Осмата и последна сезона на „Игра на тронови“, чија последна епизода ќе се емитува во недела, остави многу обожаватели разочарани и покрај огромната гледаност.
Најновата епизода на серијата, „Ѕвона“, особено ја налути публиката, поради наглите промени во однесувањето на ликовите.