Prince Harvey е рапер од Њујорк, кој во изминатите четири месеци снимил цел албум на изложбен примерок на компјутер во една њујоршка продавница на Apple.
Откако неговиот компјутер се расипал, Harvey бил присилен да го сними албумот во продавницата, а откако го завршил, го нарекол изданието „PHATASS“ (Prince Harvey at The Apple Store).
„Немав во план да снимам во салонот на Apple. Најпрво компјутерот ми се расипа, а потоа и целиот екстерен хард диск. Тогаш помислев дека ќе умрам пред кој било да дознае колку сум добар“, вели Harvey.
Досега се објавени само две песни од албумот: „The New Black“ и „Sometimes“, кои авторот ги опишува како „а капела хип хоп“. Битовите се создадени исклучиво со помош на човечки глас и битбокс-звуци.