Работилница за видеоиграта „Game of Thrones“ во Американското катче во Скопје

Во недела (28 септември) во Американското катче во Скопје ќе се одржи работилница со Kathy McElwee од индистријата за видеоигри, која работела на видеоиграта „Game of Thrones: Episode 1 – Iron from Ice“, базирана на хит-серијата.

McElwee ќе зборува за развојот на видеоиграта, лиценцирањето, креативниот процес (пишувањето сценарио, дизајнот на играта, концептуалната уметност), снимањето гласови, за градењето на самата игра и за тимот кој ја гради.

Сите заинтересирани за учество во оваа работилница можат да се пријават со имејл на ac.programs@yahoo.com, со име, презиме и телефонски број. Во насловот на пораката треба да стои “Game of Thrones Video Development“. Последен рок за пријавување е 27 септември, а бројот на учесници е ограничен.