Првиот InTech MeetUp се одржува во Скопје

На 6 декември 2016 година во МКЦ Клуб Ресторан во 18 часот, ќе се одржи InTech MeetUp, поддржан од InPlayer. InTech MeetUp се организира за прв пат на нашите простори, а неговата цел е да ги вмрежи програмерите и да нè запознае со новостите во светот на технологијата, преку гостувања на говорници од странство кои може да ги најдеме на А-листата и предавања на искусни програмери од ИТ секторот во Македонија.

Во овој двочасовен бесплатен настан, присутните ќе имаат прилика да чујат тројца говорници кои ќе зборуваат зa „Microservices“, „Microservices communication with Message Queue“, „Interplanetary file system“ и „Formula E“ (регистрација тука).

Ѕвездата на вечерта на првиот InTech MeetUp е Деклан Колфилд, Генерален партнер на „Andurance Ventures LLP“, кој има повеќе од 20 години искуство во областите како: развој на продукти, хардвер, интегрирање на специфичен софтвер, стратегиски анализи, со искуство во повеќе од 10 компании како извршен директор и ко-основач. Деклан зад себе има работно искуство во компании како Intel, Apple, Bertelsmann, BBC, RTE и Universum и ќе зборува за Interplanetary file system и FormulaE.

Од македонската екипа ќе ги слушнеме: Филип Димчевски, Потпретседател на инжeнерскиот сектор во InPlayer, кој ќе ни зборува за „Microservices“ и Филип Николовски, Софтверски инженер во InPlayer кој ќе се претстави со темата „Microservices communication with Message Queue“.

InTech MeetUp е отворен за соработка за следните meetup-и, за предавачи, организации и фирми кои сакаат да го поддржат настанот. Зад организацијата на овој настанот стои и Braisnter.