И покрај силниот дожд, демонстрантите, членови и поддржувачи на движењето #Протестирам и вечерва се на улиците на Скопје, за да го изразат својот револт од потезите на власта. Носејќи го транспарентот со натпис „Нема да ви помине“, демонстрантите тргнаа кон Собранието, каде ќе има обраќања. По пат, демонстрантите повторно ја обоија зградата на Министерството за правда, како и Триумфалната порта, на која и ги отстранија „завесите“ кои денес ги поставија властите.
