Протест за укинување на екстерното тестирање

Денеска (20-ти мај) во 18 часот, група ученици и родители најавија мирен протест пред спомен куќата на Мајка Тереза како одговор на одлуката за спроведување на екстерното тестирање во училиштата.

Протест за укинување на екстерното тестирање

„Ги повикуваме сите ученици, младински и невладини организации, граѓански активисти, родители и професори да присуствуваат на тој мирен собир, како поддршка на иницијативата за укинување на екстерното тестирање“ посочуваат иницијаторите на протестот.

„Не за екстерното, да за нормалното“ е слоганот за најавениот протест.

Истовремено голем број засегнати граѓани се потпишуваат и на електронската петиција со која се бара укинување на екстерното тестирање во 2013-та, а која за неполни две седмици собра над 8 илјади потписи.