Вечерва во „Ап(о)тека, со почеток во 20 часот ќе се одржи слушачка промоција на новото винилно издание на Password Production – aлбумот „Brum për Medioferr” на групата Blla Blla Blla..
Четвртиот долгосвиречки проект на домашните рокенрол херои Blla Blla Blla… се подготвуваше две години во нивното домашно студио во Ѓорче Петров. Продуцент на албумот е Дејан Еврушевски. Плочата содржи седум композиции, три сместени на А-страна, четири на Б-страна.
„Brum për Medioferr” е, всушност, првото винилно LP издание на бендот, како и на издавачот – Password Production.
По оваа промоција, следува слушачка промотивна турнеја на „Brum për Medioferr” по градовите низ Македонија, Косово и Албанија.