Скопскиот џез фестивал ја објави програмата за 34-то издание на фестивалот кој ќе се одржи од 15 до 18 октомври во Скопје, најавувајќи врвни музичари и групи од повеќе земји од светот.
Меѓу настапувачите е најавена најголемата пејачка ѕвезда на џезот и минатогодишен добитник на GRAMMY, американецот Gregory Porter со настап на 17 октомври.
Фестивалот ќе го отворат James Blood Ulmer од Америка, Glanluka Petrella од Италија. На вториот ден од фестивалот ќе се претстават Joachim Kuhn од Германија и израелското џез трио Avishai Cohen. Истата вечер, во City Hall Center ќе настапи џез составот Melt yourself down од Велика Британија.
На 17 октомври, покрај Porter, ќе настапат американецот Craig Taborn и Soweto Kinch воCity Hall Center. Фестивалот ќе го затворат звуците на Colin Stetson со Sarah Neufeld и Angels 8 од Шведска.
Настапите ќе се случуваат во Македонската опера и балет и во City Hall Center, а билети ќе може да се купат од трети септември.