Приведени ЛГБТИ активисти на протест во Санкт Петербург

Руската полиција привела најмалку 25 ЛГБТИ активисти на протестот во Санкт Петербург, каде ги промовираа правата на сексуалните малцинства, јавува Би-Би-Си.

Околу 60 активисти се собрале на главниот плоштад, иако имало ставено забрана за настанот. Граѓаните држеле плакати и знамиња во бојата на виножитото.

Во 2013 година, Русија донесе закон со кој се забранува она што го опиша како „геј-пропаганда“.

Организаторите велат дека секој демонстратор протестирал поединечно, за да се избегне класификација на настанот како „собир“.

Немало судири меѓу руската полиција и активистите, но тие што држеле протестни материјали биле насилно влечени во полициско комбе, против своја волја.

Ко-организаторот Алексеј Назаров за агенцијата АФП изјави дека полицијата ги нападнала активистите со „најшарените знамиња и облеки“.

Демонстрантите на настанот за Ројтерс потврдија дека биле дојдени за да покажат солидарност со заедницата.

„Оваа тема е премолчена од масовните медиуми. ЛГБТИ луѓето постојат, властите треба некако да работат со нив и да бараме дијалот“, изјави еден од демонстрантите.