Prime Light го издадоа својот прв сингл насловен Like you

Бендот Prime Light кој се состои од двајца членови – Светлана Јовановска  и Зоран Поповски, деновиве ја објави својата прва песна насловена Like you, додека втората е веќе во подготовка и би требало да биде објавена најдоцна до април.

Prime Light го издадоа својот прв сингл насловен Like you

Текстот за Like you е напишан од пејачката Светлана Јовановска, аранжманот е на Зоран Поповски, а музиката е заедничка. Светлана Јовановска – Светле, која публиката најчесто ја препознава по честите клубски свирки во Скопје, за Радио МОФ вели дека за продукцискиот дел за Like you се заслужни Зоран Поповски и Борче Кузмановски, во чие студио се финализирала  песната.

„Like you е секојдневна, љубовна приказна која на сите нас ни се има случено, со сите убави моменти и секако , најчесто , тажни краеви. До сега, реакциите на луѓето се одлични, што навистина многу ми значи, затоа што тие лесно препознаваат емоција и со тоа уште полесно се поврзуваат со истата, ако е искрена. Планови за албум има, но сметам дека е се уште рано да се зборува за тоа. Одиме постапно, без брзање и не по секоја цена. Најважно ни е да останеме верни на замислата и истата да ја реализираме“, вели Јовановска.

Во продолжение слушнете го првиот сингл на Primer Light – Like you.