На 30 октомври во Јавна соба ќе се одржува седмото издание на InTech Meetup чија цел е да ја едуцира македонската ИТ заедница и да поттикне вмрежување и размена на знаење. На настанот се најавуваат гостувања на врвни говорници кои ќе зборуваат на тема „Cloud Computing: Today and Tomorrow”.
Своето знаење ќе го споделат Алекс Касалбони од Amazon Web Services – AWS и Асиф Кадим Малик од Alibaba Cloud. Дополнително, ќе има и Q&A сесија предводена од Здравко Спасев, DevOps Lead Engineer во InPlayer.
Касалбони е експерт за Cloud во AWS. Неговиот придонес во open-source проекти како што се Serverless Framework и AWS SAM е од исклучителчно значење. Ко-организатор е на ServerlessDays во Милано и како технички евангелист често зборува на конференции низ целиот свет, ги поддржува заедниците на софтверски инженери и им помага во градењето на апликации во Cloud.
Малик работи како Solutions Architect во Alibaba Cloud и стои зад некои од најголемите технолошки трансформации во финансискиот и јавниот сектор. Во неговото претходно работно искуство е дел од реномирани светски компании како што се IBM, Oracle и Alibaba Cloud. Тој е водач кој им помага на индустриите на глобално ниво да иновираат со имплементирање на нови технологии.
Покрај ова, ќе се одржи и работилница со Гоце Стефков, AWS Engineer во InPlayer на тема „Building with the AWS cloud development kit“. Бројот на места за работилницата е ограничен, поради што потребно е претходно регистрирање на следниот ЛИНК.
Организатор на настанот е InPlayer, во соработка со Cognism и SMS Construction. Повеќе информации има на официјалните Facebook, Instagram, Twitter профили.