Во организација на седум студентски организации денеска во Скопје ќе се одржи промотивно предавање за „NASA Space Apps Challenge Macedonia“.
Предавањето се организира втора година по ред во Македонија и во него досега се вклучија студентските парламенти на УКИМ, ФИНКИ, МФС, ФЕИТ, ИАЕСТЕ, БЕСТ и ЕЕСТЕК. Во следните неколку дена се очекува да се приклучат уште неколку студентски парламенти.
NASA Space Apps Challenge Macedonia претставува интернационален дводневен хакатон каде што тимови од програмери, дизајнери, технолози, уметници, претприемачи, научници и студенти од целиот свет соработуваат со цел изработка на иновативни решенија за глобалните предизвици поврзани со животот на земјата и во вселената.
Учесниците ќе можат да изберат од 40 предизвици распределени во пет теми и тоа Earth Watch Tecnology in Space, Human Spaceflight, Robotics и Asteroids.
Во работата ќе им помагаат претставници на компаниите и од ИТ индустријата и ментори од техничките и природно-научните факултети.