Password Production денес ги објави финалистите кои ќе настапат на овогодинешниот Лузер Фест, кој ќе се одржи на на 28-ми ноември во МКЦ.
Десетте бендови кои ќе се натпреваруваат за главната награда на Лузер Фест се: Астероид, Brooka band, Визија, Gargoyles, EX YOU, Kephurdat, Metanoia, Pluto’s doubts, Пресен зрак и Пулс екипа.
Победникот на Лузер Фест, кој ќе го изберат публиката и жирито заедно, ќе биде награден со снимање на албум во студиото „Марифет“ (мarryPHAT) на Ивица Јанкуловски – Штраф, објавување на албумот под капата на Password Production и снимање на видео спот за чија реализација ќе биде задолжен тимот на Бла Бла ТВ.
Освен тоа, реномираните музички фестивали Exit (Србија), Pohoda (Словачка), Sziget (Унгарија) и Spancirfest (Хрватска) самостојно ќе одберат еден од првите три рангирани финалисти кои ќе сакаат да ги видат на една од сцените на своите фестивали.