Од 29 август до 9 септември во Скопје ќе се одржи фестивалот „Skopje Creative Hub 2014“ кој во фокусот ја има интервенцијата и промоцијата на алтернативната употреба на јавниот простор. Идејата е преку здружување и вмрежување на странски и локални млади, креативни професионалци кои ќе водат работилници заедно со студентски групи, да се промовира критичкото размислување и поттикне јавната дискусија за јавниот простор.
Сите активности од фестивалот ќе бидат објавени во печатено издание и на интернет (www.citycreative.net), а „Skopje Creative Hub 2014“ ќе биде дел и од Биеналето за индустриски дизајн во Љубљана, едно од најстарите и наважни вакви настани во овој дел на Европа. Програмата за учесниците ќе трае од 29 август до 7 септември, кога ќе се презентираат резултатите од одржаните работилници.
Од „Skopje Creative Hub 2014“ ги повикуваат сите заинтересирани и мотивирани студенти по архитектура, уметност или други креативни области да се пријават за учество на настанот. Селектирани ќе бидат 30 македонски и 30 учесници од странство. Познавањето на англискиот јазик е задолжително, а за аплицирање кандидатите треба да испратат CV и портфолио најдоцна до 15 август на applications@citycreative.net. Партиципацијата за учество на настанот за македонските студенти изнесува 30 евра.
Сите информации и детали за пријавувањето може да ги прочитате ТУКА.